Om Hjorteviltregisteret

Naturdata driv Hjorteviltregisteret på oppdrag frå Miljødirektoratet. I Hjorteviltregisteret er det mellom anna moglegheit for:

• lagring av vald- og jaktfeltopplysningar
• ivaretaking av statistikk frå jakt og jegerobservasjonar
• utskrift av fellingsløyve
• utskrift av fellingsrapportar

Registeret er eit saksbehandlingsverktøy for kommunar og villreinnemnder og blir òg nytta til å rapportere jaktstatistikk og fallvilt til Statistisk sentralbyrå. Ansvaret for god kvalitetssikring ligg hos kommunane og villreinnemndene med bistand frå fylkesmannen/fylkeskommunen i kvart fylke. Dataa i registeret er tilgjengelege for alle. Rettshavarorganisasjonar og forskingsinstitusjonar, universitet og høgskular kan givast tilgang til å registrere eigne data eller registrere data for kommunar/villreinnemnder.